Жетісу облысында жеңіл автокөлік жүк көлігінің астына кіріп кетті

Жетісу облысында МАN жүк көлігі мен Volkswagen Passat жеңіл автокөлігі соқтығысып, жол апатынан екі адам зардап шекті, деп хабарлайды Zakon.kz. polisia.kz-ке сілтеме жасап.

Бүгін таңертең Алматы - Өскемен тас жолының 466-шақырымында жол апаты болды. Болжам бойынша, 42 жастағы көлік жүргізушісі зорығып, рульде ұйықтап кетуінің салдарынан, қарама-қарсы жол жиегінде тұрған жүк көлігінің астына кіріп кеткен.

Сурет: polisia.kz

Ауруханаға бес адам жеткізілді, олардың екеуі ауыр жарақат алды.

Медициналық тексеруден кейін үш жолаушы амбулаториялық емделуге жіберілді. Екі көлік арнайы автотұраққа қойылды. Сотқа дейінгі тергеу амалдары басталды.