Павлодар облысында макулатура тиеген жүк көлігі өртеніп кетті

жүк көлігі, сурет - Zakon.kz жаңалық 09.06.2023 01:16

Сурет: pavlodarnews.kz

Павлодар облысында макулатура тиеген жүк көлігі жанып кетті, зардап шеккендер жоқ, деп хабарлайды Zakon.kz pavlodarnews.kz-ке сілтеме жасап.

Облыстық төтенше жағдайлар департаментінің баспасөз қызметінің мәліметінше, оқыс оқиға Павлодар ауданы маңында болған

"Осы жағдай туралы сағат 20:12-де хабарлама келіп түсті. Онда Павлодар ауданының маңында Жертұмсық ауылынан 28 шақырым жерде жүк көлігінің жанып кеткені айтылды. Көлікке қағаз қалдықтары тиелгені белгілі болды", - делінген хабарламада.

Құрбандар мен қаза тапқандар жоқ. Жүргізушіге медициналық көмекті қажет болмады.

Оқиға орнына төтенше жағдайлар департаментінен 4 қызметкер мен бір техникасы жұмылдырылды.

Өрттің шығу себебі мен шығыны анықталып жатыр.

Оқи отырыңыз