Атырау мұнай өңдеу зауытында қондырғылар апатты жағдайда жұмысын тоқтатты
Сурет: Zakon.kz
3 шілдеде сағат 18:25-те "Атырау мұнай өңдеу зауыты" ЖШС "KEGOC" АҚ-тың электр энергиясын беруді тоқтатуына байланысты өз жұмысын кілт доғарды, деп хабарлайды Zakon.kz.
"АМӨЗ" ЖШС ЭЛОУ-АТ-2 қондырғысынан басқа зауыттағы технологиялық қондырғылар апатты түрде жұмысын тоқтатқанын хабарлайды. Шамамен сағат 18:47-де зауыт толығымен токтан ажыратылды.
Осыған байланысты бастапқы қайта өңдеу қондырғысынан басқа барлық қондырғы жұмысын тоқтатты. Технологиялық регламентке және аварияны жою жоспарына сәйкес қондырғылардағы артық қысым алау қондырғыларына жіберілді.
Қазіргі уақытта сағат 19:30-да электр энергиясы зауытқа әлі берілмеген.
Зауыттың техникалық бөлімінде зауыттың одан әрі жұмыс істеуі үшін апаттың себептерін анықтау бойынша іс-шаралар жүргізілуде.
Құрбандар мен зардап шеккендер жоқ.
Өңір тұрғындары Маңғыстау атом энергетикалық комбинатының маңында да жарық пен су жоқ екенін айтады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
