Елімізде букмекерлік кеңселер саны екі есе азайды – Мәдениет министрлігі

Ал осы жылдың басынан сот шешімімен 5 букмекерлік кеңсе жабылды. Олардың жұмысы қолданыстағы заңнама нормаларына сәйкес келмеді. Қазір тағы 3 букмекерлік кеңсеге қатысты лицензиялардың күшін жою жұмысы жүріп жатыр.

Мәдениет және спорт министрлігінің хабарлауынша, ведомство түсіндіру арқылы және сот тәртібімен букмекерлік кеңселердің санын азайту бойынша жұмыс жүргізеді. Мысалы, кейінгі 3 жылда букмекерлік кеңселер 15 лицензияны өз еркімен тапсырды.

Қазақстандағы ойын бизнесі субъектілерінің жалпы саны да кеміп жатыр. Кейінгі 5 жылда олар 2,5 есе азайды. Егер 2018 жылы 97 болса, биыл олардың саны 38 бірлік болды.

"Мәдениет және спорт министрлігі букмекерлік кеңселер мен ойын бизнесінің басқа да нысандарының заң нормаларын сақтауын мұқият қадағалайды. Мәселен, 2023 жылдың басынан министрлік сот тәртібімен ойын бизнесі саласындағы 7 лицензияның қолданылуын тоқтатты. Осыған ұқсас тағы 7 ұйымға қатысты жұмыс атқарылып жатыр. Сондай-ақ интернетте де мониторинг жүргізіледі. Биыл 3670 заңсыз онлайн-казино бұғатталды", - деді ҚР Мәдениет және спорт вице-министрі Ержан Еркінбаев.

Оқи отырыңыз

Қаржы министрлігі Құлсарыда су тасқынынан болған залалды бағалау қалай жүргізілетінін түсіндірді

18:34, 17 мамыр 2024

Қаржы министрлігі: 500 млрд теңге көлеміндегі бюджет ақшасы тиімсіз игерілген

17:38, 17 мамыр 2024

Олимпиада алдында Францияда Денге безгегінің әкеліну жағдайының рекордтық саны орнады

11:08, 30 сәуір 2024