Елорда әкімінің орынбасары Асқар Амрин орнын босатты
Сурет: Аскар Амрин/Facebook
Асқар Амрин әлеуметтік желіде өзінің Нұр-Сұлтан әкімінің орынбасары қызметінен кететінін хабарлап, қоштасу жазбасын жариялады, деп хабарлайды Zakon.kz
Бүгін – менің Нұр-Сұлтан қаласы әкімінің орынбасары ретіндегі соңғы жұмыс күнім. 5 жыл 4 ай – аз уақыт емес, бұл менің өмірім мен мансабымдағы маңызды кезең. Бірінші кезекте елорда тұрғындарына және қызмет бабымен азаматтарды қабылдауда, қаланы аралауларда, халықтың арасында, «Жанұя» орталығында, объектілерде бірге жұмыс жасаған, тілдескен, мәселелерді шешіскен барша жанға алғысымды айтамын. Бұл – баға жетпес өмірлік тәжірибе. Асқар Амрин, Facebook-тегі жазбасынан
Ол экономика және құқық қорғау органдары мәселелеріне, сонымен қатар үлестік құрылыстың проблемалы объектілерінің қаржыландырылуын қамтамасыз ету мәселелеріне жетекшілік еткенін еске салды.
Проблемалы объект үлескерлеріне айтпағым: біз сіздермен бірге үлкен жұмыс атқардық: объектілердің көпшілігі тапсырылды, үлескерлер өз кілеттерін алды, белгілі бір уақытты қажет ететін құжаттарды рәсімдеу істері ғана қалып отыр. ЕҚК әрі қарай да проблемалы объектілерді аяқтау бойынша өз жұмысын жалғастырады және және сіздер де көптен күткен үйлеріңізге қол жеткізесіздер! Әріптестерге, барлық басқарма басшыларына, аудандардағы мамандар мен инспекторларға айрықша алғыс білдіргім келеді. Бүгінгі күннің шындығында, өкінішке орай, мемлекеттік қызмет өзектілігін жоғалтуда. Бірақ біз өз жұмысымызға деген құрмет пен сенімді қалпына келтіре алатынымызды ұмытпауымыз керек! Мемлекеттік қызмет – бұл үлкен еңбек. Мысалы, аудандық инспектор күнделікті өз ауданын аралап, бір қарағанда көзге байқала бермейтін күрделі жұмыс атқарады. Бәлкім өзгеруіміз қажет шығар, ашығырақ болып, тәулік бойы атқарып жүрген жұмысты көбірек жариялау керек шығар, тек популизмнен аулақ болыңыздар.Асқар Амрин
Сөз соңында ол Исекешев, Сұлтанов және Көлгінов сияқты елорда әкімдеріне сенім білдіргендері, бірлескен жұмыстары үшін алғыс айтады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
