Күзде Алматыда мәдени көрме өткізу жоспарланып отыр

Алматы әкімі Ерболат Досаев Италия және Индонезия елшілерімен кездесті, деп хабарлайды Zakon.kz.

Алматыда Орталық Азия мен Кавказ өңіріндегі алғашқы итальяндық мәдени орталық ашылып, қыркүйек айында мәдени көрме өткізу жоспарланып отыр. Алматы-Милан-Алматы тікелей бағытының ашылуы елдер арасындағы сауда-экономикалық және мәдени байланыстарды нығайтып, туризмнің дамуына серпін береді.

Индонезия елшісі Мохамад Фаджрул Рахманмен кездесуде инвестициялық ынтымақтастық перспективалары талқыланды. Дипломат Алматы мен Бали арасында бауырластық қарым-қатынас орнатуды ұсынды. Оған жыл сайын 10 мыңға жуық қазақстандық барады.