Маңғыстау облысы әкімінің жаңа орынбасары тағайындалды
Сурет: Маңғыстау облысы әкімдігі
Өңір басшысы Нұрлан Ноғаев өзінің жаңа орынбасарын таныстырды. Бұған дейін ҚР Ақпарат және әлеуметтік даму министрлігінде департамент директоры қызметін атқарған Ұлықбек Тналиев әкім орынбасары болды, деп хабарлайды Zakon.kz.
Ұлықбек Тналиев – экономика және бизнес магистрі. Еңбек жолын 2006 жылы азаматтық қоғам және жастар саясаты саласында бастаған.
Атырау облысы Махамбет ауданы әкімінің орынбасары, Атырау облысының жұмыспен қамтуды үйлестіру және әлеуметтік бағдарламалар басқармасы басшысының орынбасары, Атырау қаласы әкімінің орынбасары қызметтерін атқарған.
2020 жылдан бастап бүгінгі күнге дейін Ақпарат және әлеуметтік даму министрлігі Қоғамдық-саяси жұмыс басқармасының басшысы, департамент директоры болды.
Айта кетейік, бұған дейін Маңғыстау облысы әкімінің орынбасары қызметін Гүлмира Қалмұратова атқарған еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
