2025 жылға қарай жамбылдықтар 100 пайыз ауыз сумен және газбен қамтылады
![Жамбыл облысы, газ, су, сурет - Zakon.kz жаңалық 20.07.2022 17:57](https://kaz.zakon.kz/pbi/WEBP/2023-12-20/file-44bd3b1b-4643-430f-b161-c15230c2db78/800x451.webp)
Халықтың өмір сүру сапасын арттыру үшін сапалы ауыз су мен көгілдір отынға қол жеткізу бағытында атқарылатын жұмыс бағытымызды айқындадық. Бүгінге облыстағы ауылдық елді мекендердің 269-ы (622 мың тұрғын) орталықтандырылған ауыз сумен қамтылған. Биыл тағы 30 елді мекендегі 40,2 мың тұрғын сапалы ауыз суға қол жеткізеді. Сондай-ақ биыл қосымша 17 елді мекендегі 10 мың үй газға қосылады. Осылайша даму жоспарына сәйкес, 2025 жылға қарай облыстағы 371 елді мекен 100 пайыз ауыз сумен қамтылып, табиғи газды тұтынатын болады,-деп атап өтті Нұржан Нұржігітов.
![Жамбыл облысы, облыс әкімі, сурет - Zakon.kz жаңалық 20.07.2022 17:57](https://kaz.zakon.kz/pbi/WEBP/2023-12-20/file-1b731a4e-b7b8-4048-b014-c21af1dbd36c/800x451.webp)
Сурет: Жамбыл облысы әкімдігінің баспасөз қызметі
Бұл межеге қол жеткізу үшін 62 ауылға су құбырын тартып, 40 ауылдың ауыз су жүйесін жаңғыртып, 31 ауылға су тазалау блок модулі орнатылады.
![Жамбыл облысы, газ, су, сурет - Zakon.kz жаңалық 20.07.2022 17:57](https://kaz.zakon.kz/pbi/WEBP/2023-12-20/file-ae825441-a2ff-4b63-bedd-5f13f5083a1d/800x451.webp)
Сурет: Жамбыл облысы әкімдігінің баспасөз қызметі
Сондай-ақ, бүгінгі таңда облыстағы 36 елді-мекенде ауыз су кестемен беріледі десек, биыл аталған ауылдардың саны 30 пайызға дейін қысқармақ.
![Жамбыл облысы, газ, су, сурет - Zakon.kz жаңалық 20.07.2022 17:57](https://kaz.zakon.kz/pbi/WEBP/2023-12-20/file-326d7ae4-a284-4419-a1d6-bf1018b5a171/800x451.webp)
Сурет: Жамбыл облысы әкімдігінің баспасөз қызметі
Сонымен қатар, 15 елді мекенге газ тартып, 50 елді мекенге табиғи газ жүйелерін тарту арқылы және 2 автономды газ тарату станциясының құрылысы жүргізіліп, бұл мәселе де оң шешімін табатын болады.
![Жамбыл облысы, газ, су, сурет - Zakon.kz жаңалық 20.07.2022 17:57](https://kaz.zakon.kz/pbi/WEBP/2023-12-20/file-43f44714-5521-42d8-b0b7-697e0bcec94c/800x451.webp)
Сурет: Жамбыл облысы әкімдігінің баспасөз қызметі
Облыс әкімі өз баяндамасында 2025 жылға дейін облыстағы жақсы және қанағаттанарлық жағдайдағы жолдардың үлесін 99,5 пайызға, елді-мекен көшелері бойынша бұл көрсеткішті 94,1 пайызға дейін жеткізу көзделіп отырғанын баса айтты.