Таразға жаңа әкім тағайындалды
Сурет: Жамбыл облысы әкімдігі
Президент Әкімшілігімен және Тараз қалалық мәслихатымен келісе отырып, Жамбыл облысы әкімінің өкімімен Бақытжан Орынбеков Тараз қаласының әкімі болып тағайындалды. Бұған дейін ол «Тау-Кен Самұрық» ҰМК» АҚ басқарма төрағасы қызметін атқарған.
Бақытжан Орынбеков 1971 жылы 20 ақпанда дүниеге келген.
Білімі, мамандығы, лицензиялары:
М.Дулати атындағы Тараз мемлекеттік университеті (2016), «Автомобиль және автомобиль өнеркәсібі, инженер-механик», «Техника және технология, тау-кен ісі» мамандығы
Еңбек өтілі:
«Тараз Көлік Жолы» ЖШС президенті (2000-2004);
«Жамбыл облысы әкімдігінің жергілікті автомобиль жолдары басқармасы» мемлекеттік мекемесінің бөлім басшысы (2004-2005);
Жамбыл облысы әкімдігінің жолаушылар көлігі және автомобиль жолдары басқармасы» мемлекеттік мекемесінің директоры (2005-2008);
«Жамбыл облысы әкімдігінің құрылыс басқармасы» мемлекеттік мекемесінің басшысы (2008-2011);
«Сауда-көлік компаниясы» ЖШС басқарма төрағасы (2011-2015);
«Волковгеология» АҚ басқарма төрағасының орынбасары (2015-2016);
ҚР МОАП КММ «Резерв» ПВХ ЖПҚ бас директорының орынбасары (2016-2017);
Қорғаныс және аэроғарыш өнеркәсібі министрлігі Мемлекеттік материалдық резервтер комитеті төрағасының орынбасары (2017-2018 жж.);
«Тау-Кен Самұрық» ҰГК» АҚ өндірістік департаментінің директоры (2018-2019);
Басқарушы директор – «Тау-Кен Самұрық» ҰМК» АҚ Жобалық кеңсесінің басшысы (2019-09.2021);
«Тау-Кен Самұрық» ҰМК» АҚ Басқарма Төрағасы, Жобаларды басқару жөніндегі бас директорының міндетін атқарушы (15.09.2021 ж. бастап).
5 тамызда Тараз қаласының әкімі Ержан Жылқыбаев қызметінен кетті. 5 қыркүйекте Қанатбек Мәдібек пен Ерболат Ыбырайханов Жамбыл облысы әкімінің орынбасарлары болып тағайындалды.
