Мұрат Әйтенов: Спорт қолжетімді болғанда ғана бұқаралық сипат алады
Сурет: Шымкент қаласы әкімдігінің баспасөз қызметі
Шымкент қаласы әкімдігінің баспасөз қызметінің хабарлауынша, қала басшысы Мұрат Әйтенов Әл-Фараби ауданына қарасты Түркістан көшесінде орналасқан көпқабатты үй аулаларына орнатылып жатқан жаттығу элементтері мен ойын алаңдарын көріп, тұрғылықты халықпен кездесті.
Сурет: Шымкент қаласы әкімдігінің баспасөз қызметі
Әл-Фараби алаңы №1А/ Түркістан көшесі №2/3, 2/7 мекенжайларында орналасқан көпқабатты үй ауласындағы спорт алаңшасын жөндеу жұмыстары шілде айында басталып, қазіргі таңда оның 90% орындалды. Ал балалар ойын алаңшасының құрылыс-монтажы тамызда басталған, ол бір айда жұмыстар толық аяқталып, пайдалануға берілмек.
Сурет: Шымкент қаласы әкімдігінің баспасөз қызметі
Спорт қолжетімді болғанда ғана бұқаралық сипат алады. Ал, бұқаралық спортты дамытумен ұлт саулығын нығайта түсеріміз анық. Ол үшін бар мүмкіншілікті пайдалана отырып аулаларымызды дамыта бермекпіз, - деді шаһар басшысы.
Сурет: Шымкент қаласы әкімдігінің баспасөз қызметі
Аулаларда түрлі жастағы балаларға лайықты ойын элементтерімен қоса шағын футбол алаңшасы да ашылады.
Сурет: Шымкент қаласы әкімдігінің баспасөз қызметі
Айта кетелік, көпқабатты тұрғын үйлердің аулаларын абаттандыру және балалар ойын алаңшалары «Халық қатысатын бюджет» жобасы негізінде орнатылуда.
