Мадагаскарда тікұшағы апатқа ұшыраған министр жағаға шығу үшін 12 сағат жүзген

Тікұшақ апаты, сурет - Zakon.kz жаңалық 23.12.2021 23:46

Сурет: Twitter/Andry Rajoelina

Мадагаскардың полиция министрі Серж Геллер тікұшағы теңізге құлап, жағаға шығу үшін 12 сағат жүзгенін айтады, деп хабарлайды Zakon.kz

Шенеунік – апаттан аман қалған екі адамның бірі, деп хабарлайды NDTV .

Бортында Гелле және тағы үш адам болған Мадагаскар әуе күштерінің тікұшағы Мадагаскардың солтүстік-шығысында орын алған кеме апатын әуеден бақылау үшін теңіз үстіне ұшып шыққан. Айта кетсек, кеме апатынан қайтыс болғандардың саны 85 адамды құрайды. Қазіргі уақытта 50-ге жуық адам құтқарылды, тағы үшеуі хабар-ошарсыз кеткені айтылады.

57 жастағы Гелланың айтуынша, тікұшақ қатты желдің салдарынан құлаған. Министр апатқа ұшыраған тікұшақ орындығының арқасында суда ұзақ бола алған.

Министрмен бірге тікұшақта болған тағы бір қауіпсіздік қызметкері аман қалды. Тікұшақ ұшқышы және борттағы тағы бір әскери адам хабар-ошарсыз кетті деп саналады.

Мадагаскар Президенті Андри Радзуэлина Twitter-де қайтыс болғандардың отбасыларына көңіл айтып, сонымен қатар теңіз жағалауындағы Махамбо қаласына өздігінен жүзіп жеткен Гелле мен екінші офицерді құттықтады.

♦️Le GDI Serge GELLE, un des passagers de l'hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l'hélicoptère au fond de la mer. pic.twitter.com/sP2abwTMwB
— Ministère de la Défense Nationale Madagascar (@MDN_Madagascar) December 21, 2021