Жапон ханшайымы коронавирус жұқтырып, ауруханаға түсті

38 жастағы Йоко COVID-19 жұқтырған жапон императоры отбасының алғашқы мүшесі, деп хабарлайды Zakon.kz

Rg.ru ханшайым 7 ақпанда тамағы ауырғанын байқағанын, келесі күні ПТР тест тапсырғанын жазады. Онысы оң нәтиже берді.

Одан аурудың басқа белгілері байқалмағаны атап өтіледі. Император өкілінің дене қызуы да қалыпты шекте болған. Соған қарамастан, мамандар оны император сарайының аумағында орналасқан ауруханаға орналастыру туралы шешім қабылдады.

Йоко — қайтыс болған ханзада Томохитоның кіші қызы, ол бұрынғы император Акихитоның немере ағасы болған.