БАҚ: Ирактағы АҚШ елшілігіне шабуыл жасалды
Сурет: pixabay
Бірқатар Telegram-дағы арналар Ирактағы Күрдістан астанасы Эрбилде жарылыстар болғаны туралы хабарлады. АҚШ Бас консулдығы аумағына бірнеше зымыран түсті, деп хабарлайды Zakon.kz.
Бұл туралы Ирактың ұлттық ақпарат агенттігі хабарлады.
Өңірде Америка Құрама Штаттарының әскери-әуе күштері дабыл белгісімен көкке көтерілгені айтылады. Ирак БАҚ-тарының пайымдауынша, нысан алты баллистикалық зымыранмен атқыланған.
Эрбил - Ирактағы Күрдістан астанасы. Эрбил губернаторы Омед Хошнав бірнеше зымыран түскенін айтты, бірақ АҚШ консулдығы немесе қаладағы әуежай нысанаға алынды ма, ол жағы әзірге белгісіз. Қалада дабыл дыбысы беріліп жатыр. Сонымен қатар, өңірде әуе қатынасы тоқтатылды.
Зымыранмен соққы көрші Иран жақтан жасалуы мүмкін деген болжам бар. Күрд дереккөздері қалада жарылыстар әлі орын алып жатқанын хабарлайды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
