Тимошенко мемлекеттік қарызды жоюды сұрады, Ресейдің екі облысында атыс болды

Ивано-Франковскіде 25 көшенің атауы өзгертіледі. Достоевский, Лермонтов, Циолковский, Короленко және Сахаровтың орнына Чернигов, Мариуполь сынды батырлардың есіміндегі көшелер пайда болады, ал тағы бір бөлігі Украина ұлт-азаттық көтерілісі мүшелерінің құрметіне арналады.

Ресей президенті Владимир Путин Еуропа елдері ресейлік энергия ресурстарынан бас тарту туралы мәлімдемелерімен нарықта тұрақсыздық тудырып, өз азаматтары үшін бағаны шарықтатады деп санайды.

РФ Денсаулық сақтау министрлігі Брянск облысындағы атыста сегіз адам зардап шеккенін, алтауы ауруханаға жатқызылғанын, екеуі ауыр халде екенін жеткізді.

РФ Қорғаныс министрлігі "Мәскеу" крейсеріндегі от тұтану ошағы оқшауланғанын хабарлады. Ашық жалын ауыздықталды, оқ-дәрілердің жарылысы тоқтады. Крейсер батпады, өз бетімен жүзіп келеді. Ондағылар Қара теңіз флотының кемелеріне эвакуацияланды.

"Мәскеу" ұрыс кемесі Севастопольге өз бетімен жақындап келеді, - деді Пентагонның өкілі Джон Кирби. Оның айтуынша, крейсер Севастопольде күрделі жөндеуден өтеді. Сонымен қатар, Пентагон кемеге не болғандығы туралы өздерінде ақпарат жоқтығын жеткізді.

Украинада әскери тұтқындарды айырбастау тәртібі бекітілді. Бұл құжат "қызмет бабында пайдалану үшін"деген белгімен таңбаланған.

Мариупольді босату үшін Украинаға батыстан көбірек қару жеткені қажет, - деді Украина СІМ басшысы Дмитрий Кулеба.

Bloomberg өз дерек көздеріне сілтеме жасай отырып, Владимир Зеленский Еуропалық комиссияның басшысы Урсуле фон дер Ляйенге Украинаға жалақы төлеу үшін айына 7 миллиард доллар қажет екенін айтты деп жазады.

Түркия БҰҰ деңгейінде мәртебесі бекітілсе, Ресей Федерациясына қарсы санкцияларға қосылады, - деді Түркия СІМ басшысы Мевлют Чавушоғлу.

Украинаның экс-премьері Юлия Тимошенко Батыс елдерін Украинаның мемлекеттік қарызын жойып, ел бюджетіне Ресей Федерациясының бұғатталған қаражатын беруді сұрады.

Белгород облысында Журавлевка ауылында атыс болды. Тұрғын үйлерге, әлеуметтік нысандарға зақым келді, - деді губернатор Гладков. Құрбандар мен зардап шеккендер туралы ақпарат жоқ.

Украинаның Жоғарғы Радасы Ресей Федерациясының Қарулы Күштері қолданатын Z және V таңбаларына тыйым салатын заң жобасын қабылдады, деп мәлімдеді Парламент депутаты Ярослав Железняк.

АҚШ жоғары дәрежелі америкалық шенеуніктердің Украинаға сапарына қатысты әлі нақты шешім қабылдаған жоқ, - деді Джо Байден.