АҚШ Украинаға 40 миллиард долларлық көмек пакетін беретін болды
Сурет: pixabay
19 мамырда АҚШ Сенаты Украинаға 40 миллиард долларлық көмек көрсету пакетін басым дауыспен мақұлдады. Құжат президент Джо Байденге қол қоюға жіберілді, деп жазды Deutsche Welle.
Байден заң жобасының қабылдануы Украинаны сырттан қаржыландыруда кідіріс болмайтынына кепілдік беретінін айтты.
Мен Конгрессті әлемге Америка Құрама Штаттары халқы өз демократиясы мен бостандығын қорғау жолындағы батыл Украина халқымен бірге екені туралы нақты екі партиялы белгі жібергені үшін құптаймын. Джо Байден
Сәуір айының соңында Байден АҚШ конгресінен Украинаны қолдауға 33 миллиард доллар бөлуді сұрады. Кейінірек бұл соманы Конгресстің өзі 40 миллиард долларға дейін өсірді.
Оның 20 миллиарды әскери қажеттіліктерге жұмсалады. 11 мамырда заң жобасын Өкілдер палатасы мақұлдады. Жақында АҚШ президенті құжатқа қол қояды, содан кейін ол күшіне енеді деп күтілуде.
Сенаттағы дауыс беруден кейін көп ұзамай Байден Украинаға жаңа әскери көмек пакетін – артиллерия, радар және басқа да жабдықтармен қамтамасыз ету ниетін мәлімдеді. Жаңа пакеттің құны 100 миллион доллар болады.
