Украина көмір мен газ экспортын тоқтатады

Украина, газ, көмір, экспорт, соғыс, Ресей, сурет - Zakon.kz жаңалық 08.06.2022 09:38

Сурет: Instagram/zelenskiy_official

Ел үкіметі «Нафтогаз» компаниясына қыстың басына дейін қоймаларды кемінде 19 миллиард текше метр газбен қамтуды тапсырды, деп хабарлайды Zakon.kz.

Украина президенті Владимир Зеленский ел «тәуелсіздік жылдарындағы ең қиын қыстан» өтуі керек, сондықтан газ бен көмір экспортын уақытша тоқтату қажет деп санайды, деп жазды ТАСС.

Бұл тәуелсіздік жылдарындағы ең қиын қыс болады. Осы уақыт ішінде біз өзіміздің газ бен көмірімізді шетелге сатпаймыз. Барлық отандық өнім халқымыздың ішкі қажеттіліктеріне бағытталады. Владимир Зеленский

Сейсенбі күні Украина премьер-министрі Денис Шмыгаль мемлекеттік шахталардағы көмір өндіру ақпан айының соңынан бері шамамен үштен бірге төмендегенін айтты. Ол «Украина тарихындағы ең қиын жылыту маусымына дайындалуды» ұсынды.

Ел үкіметі «Нафтогаз» компаниясына қыстың басына дейін қоймаларды кемінде 19 миллиард текше метр газбен қамтуды тапсырды

Шмығаль атап өткендей, Украина соңғы жылыту маусымын 9 миллиард текше метр газбен аяқтады. Оның айтуынша, 1 маусымдағы жағдай бойынша елдегі жерасты қоймаларында 10 млрд текше метр газ қалды.

Оқи отырыңыз