Қырғызстан қазақтары қауымдастығының бұрынғы басшысы Марат Токтоучиков сотталды
Сурет: freepik
24.kg ақпарат агенттігінің хабарлауынша, ол Қырғызстан Республикасы Қылмыстық кодексінің 307-бабы «Отанға опасыздық жасау» бойынша кінәлі деп танылды. Сот екі жыл алты айға бас бостандығынан айыру жазасын жалпы режимдегі түзеу колониясында өтеуге үкім шығарды.
2021 жылғы сәуірде Қырғыз Республикасының Ұлттық қауіпсіздік мемлекеттік комитеті екі азаматтың мемлекетке опасыздық жасады деген айыппен ұсталғаны туралы ақпарат таратты.
Кейін ұсталғандардың бірі саясаттанушы Марат Қазақпаев, екіншісі Қырғызстандағы қазақ диаспорасының бұрынғы басшысы Марат Токтоучиков екені белгілі болды. Ұсталғандардың қылмыс жасау мерзімі және қай елге жұмыс істегені хабарлан жоқ.
Саясаттанушы Марат Қазақпаев 10 маусымда тергеу изоляторында инсульттен қайтыс болды, соған байланысты сот оған қатысты қылмыстық істі тоқтатты.
