Қазақстан мен Чехия арасындағы тікелей әуе қатынасын қалпына келтіру жоспарланып отыр
Сурет: unsplash
Чехияның Қазақстандағы елшісі Рудольф Гикл Алматыда өтіп жатқан Қазақстандағы бірінші чех кинофестивалі аясында екі елдің астаналары арасындағы әуе рейсі 2022 жылы қайта жандануы мүмкін екенін айтты.
Қазір авиакомпаниялар биыл Қазақстан мен Чехия арасындағы тікелей әуе қатынасын қалпына келтіру туралы нақты ойланып жатыр. Әуе кемелерінің дайындығы, жанармай құнын есепке ала отырып, осы бағыттағы әуе тасымалының бағасы бойынша өткізу қабілеті мәселелері пысықталып жатыр. Менің мәліметім бойынша, авиакомпаниялар үлкен қызығушылық танытып отыр. Меніңше, бұл оқиға осы жылдың ішінде болады.Чехияның Қазақстандағы елшісі Рудольф Гикл
Елші қазақстандық әуе компаниясы рейсті жүзеге асыруға ниетті екенін түсіндірді.
Қазір Қазақстаннан Чехияға транзитпен Стамбул, Милан немесе Франкфурт арқылы жетуге болады.
Бүгінде қазақстандықтар Чехияға кіру үшін Шенген визасын алуы қажет. ЕО елдері ресми делдал ретінде пайдаланатын виза орталықтары – жеке компаниялар арқылы виза алуға өтініш бере аласыз. Егер қазақстандық Чехияға оқуға немесе жұмыс істеуге барса, онда ол Қазақстан астанасындағы Чехия елшілігіне тікелей виза алуы керек. Бірақ виза беру немесе бермеу туралы шешімді елші жеке өзі емес, бекітілген ережелерге сәйкес қабылдайды.
Мен бірінші және екінші жағдайда да жеке визаларды беру процесінде ешқандай роль атқармаймын. Процесс ашық және Еуроодақ бекіткен халықаралық ережелерге сәйкес өтеді.Чехияның Қазақстандағы елшісі Рудольф Гикл
