Таңғы саудада мұнай бағасы көтерілді

Бейсенбі күні таңертең мұнайдың әлемдік бағасы айтарлықтай өсті. Инвесторлар АҚШ Энергетика министрлігінің елдегі шикізат қорының қысқаруы туралы ақпаратын саралап жатыр, деп хабарлайды Zakon.kz.

Нұр-Сұлтан уақытымен сағат 10:52-дегі жағдай бойынша Brent маркалы мұнайдың қазан айындағы фьючерстерінің бағасы барреліне 102,62 долларға дейін, ал америкалық WTI маркалы мұнайдың қыркүйектегі фьючерстері 1,05 пайызға өсіп, 98,28 доллар болды,  – деп жазады 1prime. ru.

АҚШ-тағы коммерциялық бензин қоры алдыңғы аптада 4,5 миллион баррельге немесе 1,1%-ға азайып, 422,1 миллион баррельге жетті. Негізі 1 миллион баррельге ғана төмендейді деп күтілген еді.