Джакартада үлкен мешіт өртеніп, күмбезі опырылып түсті

Индонезия астанасы Джакартада өрт салдарынан Ислам орталығындағы үлкен мешіттің күмбезі құлады, деп хабарлайды Zakon.kz.

ANTARA агенттігінің хабарлауынша, төтенше оқиға Қожа ауданында орын алып, тұрғындар арасында дүрбелең тудырды.

Мешіттің шатырын жөндейтін жұмысшылар от ұшқынын шығаратын құралды қолдану кезінде өрт шықты. Қатты желдің кесірінен тұтанған от тез тарап, жанғыш материалдар лезде өртке оранды.

Агенттіктің дерек көзінің айтуынша, өрттің көзі әлі жойылған жоқ, қазіргі уақытта зардап шеккендердің саны белгісіз.

ANTARA мәліметтері бойынша өртті сөндіруге ондаған қауіпсіздік қызметкерлері тартылған.

Innalilahi wa innailaihi rojiun. Masjid Islamic Center Jakarta, Jakarta Utara,hari ini, Rabu, 19 Oktober, kebakaran. pic.twitter.com/3xFs8iSM88

— Qomaruddin Ch KH Syai'i (@QomaruddinKh) October 19, 2022