Макрон Нотр-Дамды қалпына келтіру жұмысы 2024 жылы аяқталатынын мәлімдеді

Нотр-Дам соборы 2024 жылы қалпына келтіріліп, қайта ашылады. Бұл жөнінде дүйсенбіде G7 елдеріне сапарын бастаған Жапония премьер-министрі Фумио Кисидамен бірге Нотр-Дамға барған Франция президенті Эммануэль Макрон айтты, деп жазды Le Parisien.

Соборға барған Фумио Кисида Жапонияны өрт шошытқанын атап өтті. Жапон министрлер кабинетінің басшысы қалпына келтіру жұмыстарының жылдамдығына таң қалғанын жасырмады.

Ал тәуелсіз сарапшылар собор 2024 жылғы желтоқсанға дейін ашылмайды деген пікірде.

Жазғы Олимпиада басталғанға дейін бұл ел соборды ашып үлгермеуі мүмкін. Ойындар Францияда 2024 жылғы 26 ​​шілде мен 11 тамыз аралығында өтеді.

Соборды қалпына келтіру жұмыстарын қадағалайтын генерал Жан-Луи Жоржлиннің айтуынша, қалпына келтіру жұмыстарына кемінде 550 миллион еуро қажет.

Нотр-Дам соборында 2019 жылғы 15 сәуірде алапат өрт болды. Өрт собордың төбесінен шықты, одан бірнеше сағат бұрын онда жөндеу жұмыстары жүргізілген.

Жалын ағаш шатыр мен төбені толығымен жойып жіберді. Өрт 15 сағаттан астам уақытқа созылып, келесі күні таңертең ғана сөндірілді.

Оқи отырыңыз

Түркияда жалған долларлар айналымға еніп, қаржы нарығында дүрбелең туғызды

09:51, 22 қараша 2024

Сербиядағы вокзалдағы қайғылы оқиғаға байланысты 11 адам тұтқындалды

09:25, 22 қараша 2024

Дубайда рекордтық салмақтағы алтын құйма жасалды

10:50, 21 қараша 2024