"Жалғыздық жанына батқан" жапондық пошта жәшіктеріндегі мыңнан астам ашықхатты ұрлап кеткен

Жапония, жаңа жыл, ашық хат, жалғыздық, лотерея, сурет - Zakon.kz жаңалық 20.02.2023 17:16

Сурет: pixabay

Жапонияда ер адам пошта жәшіктерінен 1000-нан астам мерекелік ашықхаттарды ұрлап кеткен. Ол бұл әрекетін жалғыз қалғанымен түсіндірді, деп хабарлайды Zakon.kz.

Жаңа жылдық ашықхаттарды ұрлаған күдікті Хего префектурасының 38 жастағы тұрғыны. Ол 14 қаңтарда көпқабатты үйлердің біріндегі пошта жәшіктерін бұзған кезде ұсталды.Ол кінәсін мойындап, бұл қылмысқа жалғыздықтан бір уақ серпілгісі келгендіктен барғанын айтқан, деп жазды Sora News.

Ол бостандыққа шыққанымен, екі күннен кейін қайта қамауға алынды. Полицейлерге куәгерлер қаладан күдіктіге ұқсас ер адамды көргенін айтқан. Ол ашық хаттарды пошта жәшіктеріне қайта лақтырып жүрген.

Полиция ұсталған адамның басқа уәжі бар деп есептейді. Жапония поштасы шығарған әрбір жаңа жылдық ашықхаттың артында алты таңбалы нөмір бар. Бұл – қаңтар айының ортасында өтетін ұлттық ұтыс ойынының лотерея нөмірлері.

Жеңімпаздар 225 доллардың сертификатын немесе тегін азық-түлік ала алады.

Оқи отырыңыз