Сайлауда 8800 Қазақстан азаматы шетелде жүріп дауыс берген
Сурет: ҚР Сыртқы істер министрлігі
19 наурызда Қазақстан Республикасының дипломатиялық өкілдіктері жанынан 62 шет мемлекетте сайлаушылардың жалпы саны 12132 адамнан тұратын 77 учаскелік сайлау комиссиясы ашылған.
"Қазір шетелдегі барлық учаскелік сайлау комиссиясы жұмысын аяқтады. Дауыс беруге 8800 Қазақстан азаматы қатысты. Бұл дауыс берушілердің 72,54%-ын құрады", - делінген Сыртқы істер министрлігінің хабарламасында.
19 наурызда Қазақстанда парламент мәжілісі мен барлық деңгейдегі мәслихаттар депутаттарының сайлауы өтті. 6 521 860 қазақстандық дауыс берді. ОСК-ның алдын ала мәліметі бойынша, Астана уақыты бойынша сағат 22:00-де сайлаушылардың 54,19%-дауыс берді.
Exit-pol сауалнамаларының алдын ала мәліметтері бойынша мәжіліске алты партия кірді: Amanat партиясы (53,33%), "Ауыл" халықтық-демократиялық патриоттық партиясы (11,26%), Қазақстанның "Ақ жол" демократиялық партиясы (8,87%), Қазақстан халық партиясы (6,93%), Respublica партиясы (8,33%), Жалпыұлттық социал-демократиялық партиясы (5,12%).
