Жаңалықтар тізбегі
0

Француз билігі елдегі бүлікті басу үшін жандармерияның бронды машиналарын қолдана бастады

Франция, Нантер қаласы, полиция, бүлік, жасөспірім өлімі Сурет: Twitter/Préfecture de Police
Франция премьер-министрі Элизабет Борн елдегі наразылықты басу үшін жандармерияның бронды техникалары пайдаланылатынын мәлімдеді, деп хабарлайды Zakon.kz.

Елдің Ішкі істер министрі Жеральд Дарманеннің ұсынысы бойынша тәртіпсіздікті басу үшін Элизабет Борн ұлттық жандармерияның 18 бронды техникасын пайдалануға рұқсат берді, деп мәлімдеді BFM телеарнасы.

Министр алдында елдегі бүлікті басу үшін 40 мың полиция қызметкерін жіберетінін айтқан еді.

Жаңа Centaure көліктері жандармдарға 2022 жылдан бастап беріле бастаған. Бронды техниканың массасы 14,5 тонна, ұзындығы 6 м. Бронды техниканы пулеметпен немесе көзден жас ағызатын газ гранаталарын атуға арналған қондырғылармен жабдықтауға болады. Бұл бронды машиналар жандармериядағы 1960 жылдардағы ескі VBRG бронды көліктерін алмастыру үшін алынған.

Сейсенбі күні Париж маңындағы Нантер қаласында полиция қызметкері 17 жастағы жасөспірімді құжаттарын тексеру кезінде көлікте атып өлтіргеннен кейін Францияда бүлік басталды. Париж маңындағы наразылық бүкіл ел аумағын қамтып, тіпті көршілес Бельгияға дейін жеткені белгілі болды.


Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: