Иракта аю ұшақта жәшіктен шығып кетті

Ирак, Дубай, Бағдат, аю, ұшақ, сурет - Zakon.kz жаңалық 07.08.2023 15:12

Сурет: pixabay

Iraqi Airways әуе компаниясы Дубай халықаралық әуежайынан ұшып шығар кезде жәшіктен аюдың шығып кеткеніне кінәлі емес екенін айтты, деп хабарлайды Zakon.kz.

Аюды ұйықтатып, ұшақтан шығару үшін мамандар жіберілгендіктен рейс кейінге қалдырылды, деп жазды Sky News.

Ирак премьер-министрі Мұхаммед Шайя' Саббар әл Судани тергеу жүргізуге бұйрық берді.

Әуе кемесінің капитаны әуеге көтерілер алдында аюдың босап кетуге әрекеттенуіне байланысты рейс кешіккені үшін жолаушылардан кешірім сұрады.

Әуе компаниясы аю ұшақпен Бағдадтан Дубайға апарылмақ болғанын айтты, аты-жөнін айтқысы келмеген Iraqi Airways компаниясының өкілі аю Ирак астанасына жеткізілгенін растады.

Иракта, әсіресе Бағдадта жыртқыш жануарларды үй жануарлары ретінде ұстау ауқатты адамдар арасында кең таралған, ал билік жабайы табиғатты қорғау туралы заңдарды орындау үшін күресіп бағуда.

Бағдад қаласының полициясы халықтан мұндай жануарлардың қала көшелеріне шығарылуына немесе олардың мейрамханаларда экзотикалық тағам ретінде ұсынуға жол бермеу үшін билікке көмектесуін сұраған.

Оқи отырыңыз