Үндістанда нөсер жауыннан 40-тан астам адам қаза тапты

Үндістанның солтүстігіндегі Химачал-Прадеш штатында нөсер жауын мен көшкін салдарынан 41 адам қаза тапты, деп хабарлайды Zakon.kz.

Кем дегенде тоғыз адам туристік аймақта, штат астанасы Шимладағы ғибадатхананы құлатқан су тасқыны салдарынан қаза тапқан.

Ғибадатханадан бес адам құтқарылды, бірақ құтқару жұмыстары әлі жүріп жатыр, ішінде 20-25 адам қалып отыр.

"Қайтыс болғандардың мәйіті табылды, ал жергілікті әкімшілік қирандыларды тазалауда қызу жұмыс жасап жатыр", – деп жазды штаттың бас министрі Сухвиндер Сингх Суху.

Үндістан билігі адамдарды үйден жырақ кетпеуге, өзендер мен көшкін қаупі бар аймақтардан аулақ болуға шақыруда.

Really horrifying. Keep Devbhumi Himachal in your prayers. Unplanned growths and rampant exploitation of natural resources had put #HimachalPradesh in a dangerous position. Flood rips apart these houses in Himachal Pradesh, India. #HimachalPradesh #HimachalFloods #CloudBurst… pic.twitter.com/wgd1vlz4pU

— Gv (@Jiwan909) August 14, 2023

Химачал-Прадеш осы жаңбырлы маусымда ең қатты зардап шеккен штаттардың бірі болды. Шілде айында штатта 30-дан астам адам су тасқыны мен көшкіннің салдарынан қаза тапты.