Санкт-Петербург Әлия Молдағұлованың ерлігін еске алды

Кеңес Одағының Батыры Әлия Молдағұлованың ерлігінің 80 жылдығына орай қазақстандық дипломаттардың қатысуымен шара өтті.

Қазақстан Республикасының Санкт-Петербург қаласындағы бас консулы Дмитрий Михно Кеңес Одағының Батыры Әлия Молдағұлованың ескерткішіне гүл қойды.

Қазақтың қаһарман қызы білім алған, қазір Ә.Молдағұлова атындағы мемориалдық мұражайы бар №140 мектепте, Бас консулдық өкілдерінің, әскери академия студенттерінің, директордың, сонымен қатар мектеп оқушыларының қатысуымен қазақ халқының даңқты қызының ерліктеріне арналған дөңгелек үстел өтті.