33 жастағы ресейлік әйел пластикалық операциядан кейін қайтыс болды

Сурет: pixabay

Иркутск қаласының 33 жастағы тұрғыны пластикалық хирургияға анестезия енгізгеннен кейін комаға түсіп,қайтыс болды, деп хабарлайды Zakon.kz.

IRK.ru жазуынша, қайғылы оқиға мамыр айында болды. Әйел Иркутск Свердловск округінің ақылы клиникаларының біріне жоспарлы хирургиялық пластикалық операция жасау үшін келген. Анестезияға арналған препараттарды енгізген кезде әйелдің жағдайы күрт нашарлап, жансақтау бөліміне түсті. 27 мамырда қайтыс болды.

Иркутскідегі тергеу комитеті Ресей Федерациясының Қылмыстық кодексінің 238-бабының 2-бөлігі бойынша "Абайсызда адам өліміне әкеп соқтырған қауіпсіздік талаптарына сәйкес келмейтін қызметтер көрсету" бойынша қылмыстық іс қозғады.

Бұған дейін елімізде де осыған ұқсас оқиға тіркелген болатын. Өскемендегі сұлулық салонының біріне блефаропластика жасатуға барған әйел жансақтау бөліміне түсіп артынша көз жұмған.

Оқи отырыңыз