Бразилияда акулалардың ағзасынан кокаин іздері табылды

Сурет: pixabay

Освалду Круз ғылыми - зерттеу қоры Бразилияның Рио-де-Жанейро жағалауында ұсталған 13 акуладан кокаиннің іздері табылғанын мәлімдеді, деп хабарлайды Zakon.kz.

РИА Новости ақпаратынша, кокаин акуланың бұлшықеттері мен бауырында анықталды.

Деректер қалада есірткіні тұтынудың жоғары деңгейін көрсетеді. Ал, оның қалдықтары теңізге кәріз жүйесі арқылы түскен.

Зерттеуге қатысқан ғалымдардың бірі Энрику Мендес Сажору атап өткендей, кокаиннің іздері бұрын суда және Мидия сияқты кейбір теңіз жануарларының ағзасынан табылған. Бірақ, препараттың акуланың ағзасынан табылуы алғашқы жағдай.

23 шілдеде жыл басынан бері 31 есірткі зертханасы жойылғандығы хабарланған болатын. Оның 17-сі синтетикалық есірткі өндірісін жолға қойған. Есірткі өндірушілерден шамамен 186 кг синтетикалық есірткі және екі тоннадан астам прекурсор тәркіленді.

Оқи отырыңыз