Непалда жолаушылар ұшағы құлады

Saurya Airlines авиакомпаниясының ұшағы Непалдың астанасы Катмандудағы Трибхуван халықаралық әуежайында ұшу кезінде апатқа ұшырады, деп хабарлайды Zakon.kz.

Kathmandupost мәліметінше, бортта экипаж мүшелерін қосқанда 19 адам болды.

Ал, әуежай басшылығының ақпаратынша, бордта жолаушылар болған жоқ, тек техниктер ғана болған.

Апат жергілікті уақыт бойынша сағат 11.00-де ұшу-қону жолағынан ұшып шыққан кезде орын алды.

Борт елдегі халық саны бойынша екінші қала Похараға бет алған.

Saurya Air plane crash pic.twitter.com/BIt6DEmepT

— keshab Prasad Poudel (@keshabpoudel2) July 24, 2024

Полиция мен өрт сөндірушілер апат болған жерде құтқару жұмыстарын жүргізді. Өзге де ақпараттар таратуға жатпайды.

Бұған дейін екі тікұшақ Малайзиядағы әскери шеруге дайындық кезінде әуеде соқтығысты.