"5,2 млн адамды эвакуациялап жатыр". Алапат тайфун Жапонияны әбігерге салды
Сурет: Kyodo News/Reuters
Дауылдың салдарынан кем дегенде бес адам қаза тауып, 90-ға жуық адам жарақат алды, деп хабарлайды NHK арнасы.
Билік бүкіл ел бойынша 5,2 миллионнан астам адамды эвакуациялап жатыр. "Шаньшань" қазірдің өзінде аймақта тіркелген ең қуатты тайфундардың бірі ретінде аталады.
"Ұлттық метеорологиялық агенттіктің мәліметі бойынша, апат аймағында соққан дауылдың жылдамдығы сағатына 180 шақырымға жетті. Синоптиктер алдағы бірнеше күнде "Шаншань" Кюсюде белсенділік танытады деп болжайды, ал демалыс күндері орталық және шығыс аймақтарға, соның ішінде ел астанасы - Токиоға да жақындайды", делінген хабарламада.
Кюсюдің көптеген аудандарында пойыздар, автобус және паром қызметтері тоқтатылды.
"Шаньшань" - осы айда Жапонияны орап өткен екінші тайфун. Тамыз айының басында Ампил тайфуны бірқатар префектураларды жарықсыз қалдырды, ол кезде де ондаған мың адам эвакуацияланды.
Tropical storm Shanshan is the strongest storm to hit Japan this year. It has flooded towns, knocked out power and disrupted travel. More than 4.1 million people were under evacuation orders nationwide, Japan’s Cabinet Office said on Thursday. https://t.co/RrO2lgAHGi pic.twitter.com/TnnjRL4Y9L
— The New York Times (@nytimes) August 29, 2024
