Қытайда хайуанттар бағында панда деп жұрт тамашалап жүрген жануар ит болып шықты
Сурет: dailymail
Daily Mail басылымы хабарлағандай, сирек кездесетін және экзотикалық жануарлардың отаны саналатын Қытайдың Гуандун провинциясындағы Шаньвэй қалалық округінде хайуанаттар бағы бар. Жақында осы зообақтан шу шықты. Себебі мұнда туристер өздері ойлағаннан да "сирек кездесетін жануарларды" кездестірген. Қоршауда қара және ақ түсті кішкентай пандалар жүгіріп жүрген, бұл жайт хайуанттар бағына келушілердің назарын аударған, өйткені панда табиғатынан ақырын қозғалатын, жалқау жануарлар. Сондықтан мұқият қарай келе, адамдар олардың боялған Чоу-Чоу тұқымды иттер екенін анықтады.
Оқиға орнынан "Сирек кездесетін жануарлар" деген сипаттамен түсірілген видео желіде жылдам тарады. Көп ұзамай хайуанаттар бағының қызметкерлері қоршауда боялған иттер болғанын мойындады, бірақ олар бұл арада ешқандай алдау жоқ екенін, қоршауда "панда-иттер" деген жазу барын көрсеткен. Дегенмен, хайуанттар бағына келушілердің кейбірі билет ақысын қайтаруды талап етті.
