ДДҰ әлемге жаңа індеттің таралу қаупі барын ескертті
Сурет: Zakon.kz
Дүниежүзілік денсаулық сақтау ұйымы (ДДҰ) бүкіл әлемге бетін қайтаруға келмейтін жаңа індет - Марбург вирусының таралу қаупі жоғары екенін мәлімдеді, деп хабарлайды Zakon.kz.
Руандада бұрқ еткен індет ғалымдар мен дәрігерлердің назарына ілінді.
"Руанданың денсаулық сақтау министрлігі елдің 30 өңірінің жетеуінен ауру жағдайлары жаппай тіркелгеннен кейін індет ошағы анықталғанын растады. Расталған жағдайлардың 70%-дан астамы Кигалидегі екі медициналық мекеменің медицина қызметкерлеріне тиесілі болып шықты", делінген Mirror басылымында.
Вирус жұқтырған адамдар шетелге саяхаттап, ауруды айналасындағыларға таратқаны атап өтіледі. Өйткені бастапқыда ауру белгілері білінбейді.
ДДҰ Марбург вирусы геморрагиялық қызбаны тудыруы мүмкін және оның Эбола вирусымен байланысты екенін айтады. Марбург безгегі тікелей байланыс, зақымдалған тері немесе шырышты қабық, сондай-ақ қан арқылы беріледі. ДДҰ Марбург вирусынан туындаған аурудың өршуінің алдын алу бойынша жұмысты тұрақты қадағалау және тәуекелге ұшыраған елдерге дайындық жоспарларын әзірлеуге көмектесуге дайын.
Бұған дейін COVID-тің жаңа нұсқасы Еуропада, Солтүстік Америкада және Азияда тез таралып жатқаны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
