Калифорнияда жойқын жер сілкінісі болды

АҚШ-тың Солтүстік Калифорния жағалауында 7,0 баллдық жер сілкінісі болды, деп хабарлайды Zakon.kz.

Еуропалық-Жерорта теңізі сейсмологиялық орталығының ақпараты бойынша, эпицентр 12 мың адам тұратын Фортуна қаласынан оңтүстік-батысқа қарай 56 км жерде орналасқан. Ошақ 14 км тереңдікте жатты.

Жер асты дүмпулері сағат 10:44-те (Астана уақыты бойынша 23:44) тіркелді.

Ұлттық Мұхиттық және атмосфералық басқарманың ақпаратынша, қазіргі уақытта цунами туралы ескерту жарияланды. Ол Калифорния мен Орегон Штаттарындағы жағалау учаскелеріне қатысты.

Зардап шеккендер мен қиратулар туралы ақпарат жоқ.

Посмотреть эту публикацию в Instagram

Публикация от СМИ zakon.kz (@zakon.kz)

Бұған дейін Тәжікстан мен Өзбекстанда зілзала болғаны хабарланған болатын.