Илон Маск ағылшын премьер-лигасындағы құрамаға иелік етуі мүмкін

Атақты кәсіпкер Илон Маск "Ливерпуль" ағылшын футбол клубын сатып алғысы келеді, деп хабарлайды Zakon.kz.

Бұл туралы миллиардердің әкесі Эррол Маск мәлімдеді.

"Иә, ол шынымен де "Ливерпульді" сатып алғысы келеді, бірақ бұл оның нақты сатып алатындығын білдірмейді. Оның әжесі Ливерпульдің тумасы, сондықтан біздің онда көптеген туыстарымыз бар және біз "Битлздің" бірқатар адамдарымен танысу бақытына ие болдық, өйткені олар менің отбасымның кейбір мүшелерімен бірге өсті", – деп келтірді Times Radio Эррол Масктың сөздерін. 

Қазір Илон Масктың байлығы 425,2 миллиард долларға бағаланады.

Посмотреть эту публикацию в Instagram

Публикация от Liverpool Football Club (@liverpoolfc)

"Ливерпульдің" жетістіктеріне келетін болсақ, құрама 19 матчта 46 ұпай жинап, ағылшын премьер-лигасының турнир кестесінде бірінші орынға шықты.

Бұған дейін Анастасия Городконың фристайл-могулдан жасөспірімдер арасындағы әлем чемпионатында күміс медальға ие болғаны хабарланған болатын.