Үндістандағы ғибадатханада алты адам қаза тапты

Үндістандағы танымал ғибадатханалардың бірінде 6 адам көз жұмды. Мұның себебі құлшылық орнына тегін билеттер таратылған, бұл адамдар санының тым көп болуына әкеп соққан, деп хабарлайды Zakon.kz.

Тирумала Тирупати Девастханамс ғибадатханасының операторы оқиға үшін кешірім сұрап және кінәлі деп танылғандардың барлығына шара қолдануға уәде берді.

Андхра-Прадештің бас министрі Чандрабабу Наиду қайғылы оқиға болған жерді өз көзімен көріп, ауруханада жатқандардың көңілін сұрап шықты.

10-19 қаңтар аралығындағы кезең, 8 қаңтарда қайғылы жағдай орын алған Оңтүстік Андхра-Прадеш штатындағы Тирупати деп аталатын Шри Венкатешвара Свами ғибадатханасында құдайға сыйыну үшін қолайлы уақыт ретінде саналады.

Билік ғибадат орнындағы қауіпсіздік шараларын күшейтті.

Бұған дейін Түркияның Сириядағы ықтимал операцияға байланысты жауынгерлік дайындық өткізуде екендігі хабарланған болатын.