Желіде iPhone 17-нің бағасы пайда болды

Инсайдерлер жаңа iPhone 17 смартфондарының бағасын жариялай бастады, деп хабарлайды Zakon.kz.

9To5Mac басылымының жазуынша, Apple өнімдерінің жанкүйерлері дәстүрлі түрде жаңа iPhone 17 моделін асыға күтуде. Жыл сайын Apple компаниясы жаңа нөмірлі iPhone желісін күзгі таныстырылымынан кейін сөрелерге шығарады. Бұл шара, әдетте, қыркүйек айында өтеді, ал смартфондар бірнеше аптадан соң сатылымға түседі.

Биыл iPhone 17 смартфондарының тұсаукесері 9 қыркүйекте өтеді деп жоспарланған. Іс-шара Қазақстан уақытымен 22:00-де басталып, шамамен екі сағатқа созылады.

"Егер iPhone 17-нің таныстырылымы 9 қыркүйекте өтсе, алдын ала тапсырыс 12 қыркүйекте, жұма күні, ал ресми сатылым 19 қыркүйекте, тағы бір жұмадан кейін басталады", – деп болжайды сарапшылар.

Қазіргі уақытта iPhone 17-нің нақты бағасы белгісіз. Алайда инсайдерлік ақпаратқа сүйене отырып, шамамен қанша тұратыны туралы деректер бар.

Сурет: 9to5mac

Бұған дейін "Шрек 5" мультфильмінің жарыққа шығу күні тағы да кейінге шегерілгенін жазғанбыз.