Оқу-әдістемелік жиын шеңберінде ағымдағы жылғы қарашаның 8-і мен 9-ы аралығында Қорғаныс министрінің бірінші орынбасары – ҚР ҚК Бас штабының бастығы генерал-лейтенант Мұрат Майкеевтің жетекшілік етуімен Ұлттық қорғаныс университетінің базасында ҚР Қарулы Күштерінің басшылық құрамымен «Операцияларды ұйымдастыру жөнінде әскери басқару органдарының жауынгерлік жұмысы» тақырыбында екіжақты командалық-штабтық әскери ойын өткізілді.
Командалық-штабтық әскери ойын қойылған жауынгерлік тапсырмаларды орындау кезінде әскери басқару органдарының іс-қимыл алгоритмін пысықтау, әртүрлі стратегиялық бағыттарда әскери іс-қимылдарды жоспарлау және ұйымдастыру барысында генералдар мен офицерлердің кәсіби деңгейін тексеру мақсатында өткізіледі.
Әскери ойын барысында әртүрлі қарқындылықтағы жанжалдарда олардың жауынгерлік тапсырмаларды орындауы кезінде жедел және материалдық-техникалық қамтамасыз етудің барлық түрлерін ұйымдастыру мәселелерін пысықтау жоспарлануда.
Екі жақты командалық-штабтық әскери ойынның мақсатына қол жеткізілді. Қабылданған шешімдердің талдауы және олардың дәлелдемесінің бағалануы жүргізілді.