Ақтөбелік кәсіпкерлер алаяқ әйелге алданып қалды

Қазір Қылмыстық кодекстің «Алаяқтық» бабы бойынша іс қозғалды.

Фото: www.inform.kz28 Желтоқсан 2017, , 12:53

Ақтөбеде үстемеақысы төмен несие алып беремін деп кәсіпкерлерді алдаған әйел ұсталды. Оған бірнеше кәсіпкер сеніп қалған, деп хабарлайды ҚазАқпарат.

Ақтөбе облыстық ішкі істер департаменті алаяқтық жасады деген күдікпен 30 жастағы келіншекті ұстады. Ол бизнеске қажетті несиені төмен үстемеақымен алып беруге уәде еткен.

«Шағын және орта бизнес иелерінің сеніміне кіріп, үстемеақысы төмен несие алып беремін деп алдаған. Қазір 8 кәсіпкердің алданғаны анықталып отыр. Олардың әрқайсысы 250-500 мың теңге аралығында ақша беріп, екінші деңгейлі банк арқылы пайыздық үстемеақысы төмен несие рәсімдемек болған», - деп хабарлайды ІІД баспасөз қызметі.

Қазір Қылмыстық кодекстің «Алаяқтық» бабы бойынша іс қозғалды. Күдікті ешқайда кетпеу туралы қолхатпен босатылды. Полиция жас әйелдің арбауына түсіп, алданып қалған кәсіпкерлер болса, кезекші бөлімге хабарласуын сұрайды.

Больше важных новостей в Telegram-канале «zakon.kz». Подписывайся!

СЕЙЧАС ЧИТАЮТ
ПОПУЛЯРНОЕ В СЕТИ