Павлодарлық полиция қала дүкендерінің бірінде үсті-басы қан болған адам түсірілген видеоны әлеуметтік желіде таратқан азаматты іздеуге кірісті, деп хабарлайды pavlodarnews.kz.
Аталмыш видео WhatsApp желісінде тараған болатын.
Желі пайдаланушылардың сөзіне сүйенсек, оқыс жағдай Павлодардағы сауда орталықтарының бірінде орын алған.
- Бұл фейк, - дейді облыстық ІІД баспасөз қызметінің басшысы Баян Мағзұмова. - Маған осы видео 29-желтоқсан күні келді. Ал, 31-желтоқсан күні журналистерден алғашқы сауал хат келіп түсті. Оқыс оқиға Ресейде орын алған. Қазіргі уақытта полиция жалған ақпарат таратқан адамды іздестіруде.
Думан Асқарбек