Алматыда өтіп жатқан «Жаһандану дәуіріндегі цифрлық күн тәртібі» халықаралық форумында ақпараттық технологиялар кафедрасын ашу мәселесі де талқыланды. Елбасы ақпараттық технология саласын дамыту жолдарын былтыр жарияланған «Цифрлық Қазақстан» бағдарламасында айтқан болатын, деп хабарлайды Хабар 24 арнасы.
Онда адами капиталды дамытудың тетіктері көрсетілген. Осы орайда білікті маман даярлау маңызды мәселеге айналып отыр. Қазір еліміздің жоғары оқу орындары ақпараттық технология бойынша 7 мамандық түрінен ғана білім береді екен.
Дамир Шыныбеков, Халықаралық ақпараттық технологиялар университетінің ректоры: – Ақпараттық технология саласында жақсы маман дайындау үшін 10 жыл керек. Үшінші сыныптан дайындайтын болсақ, 7 жыл мектепте және 4 жыл жоғары оқу орнында дайындай қажет. Нәтижесінде білікті маман болып шығады. Магистратура – ғылымның бірінші қадамы. Адами капитал бойынша 84 жоғары оқу орын дайындайды.