Ресейліктердің қайғысына ортақтасқан Астана халқы елшілік маңына гүл шоқтарын әкеліп жатыр, деп жазады Хабар 24 арнасы.
Қаралы хабар ешкімді бей-жай қалдырмаған. Жасы мен кәрісі бар, келген адам қолындағы ойыншық пен гүлді Ресей елшілігінің кіреберісіне қалдырып жатыр.
Естеріңізге салайық, соңғы ақпар бойынша Кемерово қаласындағы сауда орталығының өртке орануы салдарынан 64 адам бақилық болды.
Николай Лапаев: – Жаңалықтардан қаралы хабарды естіген соң түн ұйқым төртке бөлінді. Әйелімнің де аза бойы қаза болды. Сенер-сенбесімізді білмедік. Мұндай қасіретті құдай басқа бермесін. Жазымнан жан тапсырған марқұмдардың туған-туыстарына қайғырып көңіл айтамын.