Бүгін ҚР Тұңғыш Президенті атындағы саябақта «Сәбилер аллеясы» ашылады, деп хабарлайды Aktobenews.kz тілшісі.
Жаңа туылған сәбилердің құрметіне «Әр сәбиге – бір ағаш» атты акция басталады. Аталған шара бүгін ҚР Тұңғыш Президенті атындағы саябағында арнайы «Сәбилер аллеясы» үшін бөлінген жерде өтеді. Әр ағашта ата-ана мен сәбиінің аты-жөні жазылған белгі болады.
Сондай-ақ, қала әкімі Ілияс Испановтың атынан биыл дүниеге келген сәбилердің ата-аналарына құттықтау сертификаттары табысталады.
Айта кетейік, 2017 жылы Ақтөбе қаласында 12 514 бала дүниеге келсе, биыл жыл басынан бері 4 170 бала жарық дүние есігін ашқан.