Ақтөбе облысында заңсыз жұмыс істеген 400-ге жуық шетел азаматы жауапкершілікке тартылды. Соның ішінде 15 Қытай азаматы Ішкі істер органдарына тіркелмей, өңірде заңсыз еңбек еткен, деп хабарлайды Aktobenews.kz тілшісі.
23-27 шілде аралығында Ақтөбе облысында заңсыз жұмыс істеп жүген шетелдіктерді анықтау үшін арнайы жедел алдын алу шарасы өтті. Осы уақыттың ішінде соттың шешімімен 104 адам елден шығарылды.
Сондай-ақ, іс-шара барысында 391 шетелдік азамат, соның ішінде 15 Қытай азаматы әкімшілік жауапкершілікке тартылды.
Бұдан бөлек, көші-қон мен еңбек заңнамасын бұзған шетелдікті жұмысқа алған 144 қазақстандық та жауап берді.