Павлодарда 2018 жылы 11 тамызда «Құлагер» ипподромында сағат 11.00-де Құрылысшылар күніне арналған ұлттық ат спорты түрлерінен бес қашықтық бойынша жарыстар өтеді, деп хабарлайды pavlodarnews.kz тілшісі.
Жарыс түрлері: аламан бәйге, тоқ бәйге, құнан бәйге, жорға жарысы және көкпар.
Жеңімпаздар мен жүлдегерлерге демеушілердің қолдауы арқылы автокөлік және қаржылай сыйлықтар табыс ету қарастырылған.
Бұл күні жергілікті бишілер мен музыкалық ұжымдар өнер көрсетеді.
Жаппай көкпар түрі бойынша жарыста 50-ден астам спортшы қатысады.
Жалпы жүлде қоры - 1 миллион теңгеден асады. Ұйымдастырушы - облыстық ұлттық ат түрлері бойынша спорт федерациясы.