Үш мыңнан астам бұрын сотталған адам полицейлердің бақылауында, деп хабарлайды Aktobenews.kz тілшісі.
Соңғы 7 айдың қорытындысы бойынша, бұрын сотталып қайта қылмысқа барғандардың саны 39%-ға төмендеген. Полицейлер бұрын қасақана қылмыс жасап, бірақ бостандыққа шыққан ақтөбеліктердің үйлеріне барып, әрекетін бақылаған.
Қазіргі таңда облыста учаскелік полицейлер бұрын сотталған 3 мыңнан аса ақтөбелікті бақылауда ұстап отыр.
Бұрын сотталған 119 ақтөбелік жұмысқа орналастырылды. 14 адам жаңа мамандықты игерді. Дегенмен, мерзімінен бұрын шартты түрде бостандыққа шыққан 15 ақтөбелік қайтадан түрмеге оралды.