Британияның Аберфан қаласында дүкенде аяқ киім киіп көрген бүлдіршін ертесі күні ауруханадан бір-ақ шықты деп жазады sputniknews.kz.
Дүкенге барып келгеннен кейін, келесі күні кішкентай Сиеннаның аяғы ауыра бастаған. Анасы қызын бірден дәрігерлерге апарады. Ақхалаттылар қыздың аяғының іріңдеп жатқанын көргенімен, оны үйіне жіберген, деп жазады life.ru.
Ал келесі күні қыздың қызуы көтеріліп, анасы баласын тағы ауруханаға әкелуге мәжбүр болады. Дәрігерлер қойған диагноз әйелді біраз есеңгіретіп тастады. Белгілі болғандай, бүлдіршіннің қанына инфекция түскен.
"Жаңа туфлиді киіп көргеннен кейін, осылай қатты ауырып қалады деп кім ойлаған", — дейді Сиеннаның анасы.
Қызға ота жасалған жоқ. Дәрігерлер пациенттің аяғын іріңнен тазартып, бес күн бойы бақылауда ұстады.