БҚО-да вирус жұқтырған тұрғындардың режим бұзғаны белгілі болды. Оралда бірнеше мектепте Ashyq қосымшасында "қызыл" белгіге ие мұғалімдер жұмысқа келіп жүрген, деп хабарлайды Zakon.kz.
БҚО әкімі Ғали Есқалиев бір апта ішінде Ashyq қосымшасында "қызыл" белгіге ие балабақша тәрбиешілері мен мұғалімдер жұмысқа баруға талпынған төрт жағдай анықталғанын айтты. Аталған жайт Орал қаласының №1, №10 және №23 орта жалпы білім беретін мектептерінде және №14 балабақшада орын алған.
Бұл факті Ashyq қосымшасы арқылы анықталды. ПТР тесттің оң нәтиже көрсеткеніне қарамастан, олар жұмысқа барып жүрген. Басқаларға ауру жұқтыру қаупі жоғары болғандықтан, бұған жол берілмейді, - деді аймақ басшысы.