Дархан Медеғалиұлы Жазықбаев Қазақстан Республикасының Мемлекеттік қызмет істері агенттігі төрағасы лауазымына тағайындалсын, делінген Ақорда хабарламасында.
Сондай-ақ, Мемлекет басшысының өкімімен Дархан Жазықбаев ҚР Мемлекеттік қызмет істері агенттігі төрағасының орынбасары қызметінен босатылды.
Дархан Жазықбаев 1976 жылы туған.
Білімі мен білігі:
әл-Фараби атындағы Қазақ ұлттық университеті, философия факультетін тәмамдаған.
ҚР ІІМ Қостанай заң институтын бітірген.
Философия ғылымдарының кандидаты.
Еңбек өтілі:
Ол әр жылдары Қазақстан Республикасы Ішкі істер министрлігінің, Алматы заң институтында, академиясында оқытушы, Ішкі істер министрлігінің, Кадр жұмысы департаментінің аға инспекторы, ерекше тапсырмалар жөніндегі аға инспекторы болып жұмыс істеді. ҚР ІІМ академиясы Кадрлар жұмысы бөлімінің бастығы, Парламенті Сенаты Аппараты әкімшілік бөлімі меңгерушісінің орынбасары, Кадр жұмысы және мемлекеттік құпияларды қорғау бөлімінің меңгерушісі, «KEGOC» АҚ Басқармасы төрағасының кеңесшісі болып қызмет істеген.
2019 жылдың 20 маусымынан Мемлекет басшысының өкімімен Қазақстан Республикасының Мемлекеттік қызмет істері агенттігі төрағасының орынбасары қызметіне тағайындалды.