Қытайдағы әуежайдан видео. Жігіт әнімнің соңғы жолын қазақша айтқанда таңғалдым, – деп жазды Димаш Құдайберген Instagram парақшасына.
Видеода Димаш өзінің жанкүйерлерінің қасында тұр. Фанаттар әншінің өлеңін айтып, жылы лебізін білдіріп жатыр. Бір кезде қытайлық жігіт Димаштың «Ұмытылмас күн» әнін қытайша айта бастады. Тек әннің соңғы жолдарын қазақша айтты. Димаш Құдайберген жанкүйеріне риза болып, оның қолын алды.
Еске сала кетейік, 18 ақпанда Димаш Құдайберген Санкт-Петербургке келіп, өзінің жаңа музыкалық бейнебаянының түсіріліміне кірісті.